វាជាកត្តាសំខាន់ណាស់ ក្នុងការថែរក្សាអនាម័យប្រដាប់បន្តពូជរបស់ស្រ្តីក៏ដូចជា ការរក្សាក្លិនអោយបានល្អផងដែរ។ ជាងនេះទៅទៀត ការសម្អាតដ៏ល្អ និងសុវត្ថិភាពបំផុតនោះ គឺជាការលាងសម្អាតជាមួយនឹងទឹកអនាម័យដែលគ្មានលាយសារជាតិគីមី។ ដូចនេះ សូមជ្រើសរើស វិធីខាងក្រោមដើម្បីធ្វើទឹកអនាម័យបែបធម្មជាតិ សម្រាប់ប្រដាប់បន្តពូជរបស់អ្នក។ ១. ប្រទាលកន្ទុយក្រពើ ៖ សូមយកប្រទាលកន្ទុយក្រពើស្រស់ ហើយចិតវាមួយបន្ទះស្តើង រួចដួសយកជាតិរំអិលដាក់ចូលទៅក្នុងកែវដែលមានទឹកមួយ រួចប្រើទឹកនេះជាទឹកអនាម័យ ដើម្បីលាងសម្អាតប្រដាប់បន្តពូជរបស់អ្នក។ ២. យ៉ាអួរ ៖ យ៉ាអួរជាគ្រឿងផ្សំ ធម្មជាតិដែលមានសុវត្ថិភាពបំផុតក្នុងការលាងសម្អាតប្រដាប់ភេទ។ ដូចនេះហើយសូមយកយ៉ាអួរធម្មជាតិ មកលាបលើប្រដាប់ភេទ ដើម្បីលាងសម្អាតតំបន់ឯកជននោះ។ ៣. ស្លឹកក្រូច ៖ វាជាភ្នាក់ងារការពារអាឡាក់ស៊ីផ្សេងៗ និងជួយបំបាត់ក្លិនផងដែរ។ ដូចនេះ សូមយកស្លឹកក្រូចទៅដាំជាមួយនឹងទឹករួចយកទឹកនោះទៅលាងសម្អាតប្រដាប់ភេទនោះជាការស្រេច។ ៤. ម្សៅបេកឃីងសូដា ៖ វាជួយធ្វើអោយ PH មានតុល្យភាព ហើយថែមទាំងកាត់បន្ថយក្លិនបានល្អផងដែរ។ វិធីធ្វើនោះពិតជាមានភាពងាយស្រួលណាស់ ដោយអ្នកគ្រាន់តែចាក់ម្សៅបេក ឃីងសូដាកន្លះពែងចូលទៅក្នុងអាងងូតទឹករបស់អ្នករួចត្រាំខ្លួនអ្នកក្នុងនោះ ២០នាទី ជាការស្រេច៕
No comments:
Post a Comment